Fortbildungsregion Süd

Stell di vör, du kummst in en »Ruum«. Opmal fallt de »Dör« achter di dicht. En Stimm vun jichenswo deit verkünnen, dat du in grote Gefohr büst. Du schasst mit anner Lüüd, de ok in düsse »Ruum« sünd, so flink as mööglich wegkamen. Du hest blots 30 Minuten, dat du verschedene Radels kloor maakst. För jeedeen Resultat gifft dat en Deel vun en Code ut Tahlen, wo du de Döör mit apen maken kannst.

Man laat sik düsse Speel-Idee ok nipp un nau digital ümsetten? Ja, dat geiht. Dat warrt denn »Escape Game« nöömt.

As Instieg in uns Fortbillen speelst du en lütte »Escape Speel«. Achteran seht wi uns an, woans een so en Speel sülvst torechtschustern kann, un wi wüllt diskereren, woans sik dat in Scholen insetten laat. Teel is, dat eerste Ideen för en egen digitale Escape Room in Gang bröcht warrt.

Ganz wichtig: Du schusst bi de Veranstaltung sülvst en Speel maken. Dorum bruukst du as Deelnehmersche un Deelnehmer en eegen Tablet (Android or iPad) or Laptop mit en kostenlos Togang to »Genially«. Maak di de Togang unbedingt vör de Veranstaltung.